الهجر والشوق

البارحة والنوم للعين ما طاب ..... كني على شوك ٍ والقلب يشعل بنار

يا فرقة الخلان ما مثلها مصاب ..... يوم ذكراهم تمتلك كل الافكار

يالله ويا مهطل المزن من السحاب ..... تشفق على عبد ٍ تجافيه الاقدار

تشفق على عاشق ٍ يوم سعده غاب ..... تنام الخلايق ويقضّي ليله سهّار

يا شوق ترى القلب على بعدكم ذاب ..... وعقلي ينازع كنه بوسط إعصار

ما عاد طاب لي السهر مابين الاصحاب ..... وحدي بليلي عايش ٍ على تذكار

يكفي هجر يا غالي يكفيكم غياب ..... لا تتركني وحدي امشي ضد التيار

ما عاد يهمني ..خطأ ولاّ صواب ..... ولا عاد تنفع ملامة وكثر الاعذار

يا لحظة ٍ قضيتها ويا الأحباب ..... بعمري أشريها وما أرخص بالاسعار

ضحكة عيونك يا ولف تسبي الالباب ..... يا ما تمنيت يكونوا بليلي سمار

لا أنا شاعر ولاانا مع الكتاب ..... لكن غرامك خلاني أقول اشعار

ان كنت تهواني يا هلا بكل العذاب ..... وان كنت ناسي رد قلبي ولا تحتار

الحب ما يجي بترتيبٍ ولا بحساب ..... الحب يحكم وحنا لحكمو حضار

لظل حبك طول مافي شروق وغياب ..... وروحي معك مهما باعدتنا الاسفار